"HAPPY BIRTHDAY and happy christening, Baby Topher Symon the second!" masayang pagbati ni Mommy nang makarating kami sa bahay para sa reception. Katatapos lamang mabinyagan si Baby Toph at nakatutuwa lang isipin dahil pagkatapos ng unos ay marami pa ring dahilan para maging masaya.
"Mom, pasuyo po muna kay Baby Toph, hah? Kuhaan ko lang po siya ng pamalit na damit sa kuwarto at kukunin ko na rin ang mga ibibigay na souveniers."
"Sige, anak."
Pagkatapos kong makuha ang mga iyon ay binihisan na rin ni Mommy si Baby Toph habang ako naman ay dumiretso sa may pool area para silipin ang aming mga bisita. Ilang doktor at nurses ang kinuha naming mga ninong at ninang. Pati na rin sina Laarni, Dave, Andrei, Hanna, Bianca, Geofferson, Travis at Jasmine.
Doo'y nadatnan ko na kausap ni Toph ang k
