"We're here!"
Napaawang ang aking bibig nang makita ang tatlong guwapong lalaking nakatayo sa harap ng Triple Condo Units.
Kanina lang ay napag-usapan naming si Zef na ang magsusundo sa akin pero bakit nandito silang tatlo? Nagbago na naman ba ang desisyon nila?
O baka ipinanganak lang talaga silang hindi sigurado sa buhay?
"Anong ginagawa ninyong tatlo rito?" taka ko pang tanong.
"Susunduin ka," sabay-sabay nilang sagot. Parang gusto ko silang bigyang ng tig-iisang suntok. Iyong makakatulog sana sila habang buhay.
"Alam ko pero bakit tatlo talaga kayong nandito? Akala ko ba ay si Zef lang ang susundo sa akin?" Bakas pa rin sa aking tono ng pagsasalita ang pagtataka.
"Ayaw mo ba kaming makita?" nagdadramang sabi ni Xell. Ang tingin na ibinibigay nito sa akin ay para bang asong gus
