MARIANNE
Kaysa magmukmok ako dito sa silid ko ay mas pinili ko na puntahan ang lalaking hanggang ngayon ay walang balak na magsalita. Pagpasok ko sa silid kung nasaan siya ay kaagad siyang ngumisi ng makita niya ako.
“Nandito na pala ang magandang anak ni cong,” nakangisi na sabi niya sa akin.
“Nagkita na tayong ulit. Kaya baka naman puwede mong sabihin sa akin kung sino ang boss mo. Para naman ibalik na kita sa kanya,” seryoso na sabi ko sa kanya.
“Kahit na crush kita ay hindi ko pa rin sasabihin sa ‘yo,” nakangisi na sabi niya sa akin.
“Alam mo ba na hangga’t maaari ay ayaw ko sa violence, pero bakit mo ako pinipilit?” tanong ko sa kanya.
“Hindi naman kit–”
Hindi ko siya hinayaan na sumagot dahil sinuntok ko ang mukha niya kaya napahiyaw siya sa sakit. Mabilis kong sinabunutan ang
