Torn Between Choices [COMPLETED]

“So, kung papipiliin ka . . . career or love?” “Sabi mo hindi mo ako iiwan, ’di ba? Mahal na mahal kita e. Bakit naman ganito?” sabi niya habang patuloy pa din ang pagluha. Nahihirapan akong makita siya ng ganito. Gusto kong bawiin lahat ng sinabi ko. “As much as I can do both, why not? Pero kung hindi ko na kaya, I’ll choose my career. Malaki ang tiwala ko na maiintindihan naman ng partner ko kung bakit ’yon ang pinili ko. Para iyon sa future namin.” “Please! Monica, huwag ganito,” pagmamakaawa niya, lumuhod siya sa harapan ko. Nag-squat ako para makapantay siya. “Saglit lang naman ’yon, Jared. Maybe, puwede na ulit. Malay mo, someday we will meet again. Until then, will you wait for me?” Natauhan ako ng biglang marinig ko ang tunog ng pag-usad ng upuan. It means, tapos na ang turn ko. Nakipagkamay ako sa teacher na nasa harapan ko at umalis na upang ang kasunod ko sa pila naman ang pumwesto doon. T-in-ext ko ang mga kaibigan ko na tapos na ako sa job interview at hihintayin ko na lamang sila sa labas. Hindi naman talaga ito legit na job interview. Isa lang ito sa project namin sa isang subject, para daw masanay na agad kami. Naalala ko naman ang tanong ng teacher na nag-interview sa akin. Mapait na lamang akong napangiti ng maalala ko ang sagot ko. Maiintindihan. “Drake, favor naman oh. Puwede bang puntahan mo si Jared ngayon?” tanong ko kay Drake. “Bakit? Ano ba ang nangyari? Nag-away na naman ba kayo?” pabalik niyang tanong. Sana nga nag-away na lang kami. “Nakipag-break na ako sa kanya.” Ramdam kong natahimik si Drake sa kabilang linya. Pinapakiramdaman niya ata ang susunod kong sasabihin. “Please, Drake . . . damayan mo muna siya ngayon. I felt guilty for hurting him, kahit papaano ’yon na lang ang magagawa ko for him—to atleast ease the pain,” sabi ko. Pumayag naman siya. Pinigilan kong huwag mapiyok. “What about you? Are you okay?” Nagulat naman ako sa sigawan ng isang grupo malapit dito sa harapan ko. Base sa sigawan nila, it looks like they’re helping their friend celebrating his anniversary with his girlfriend. May balloons and customized t-shirts pa. “Ganiyan din sana tayo ngayon no?” biglang tanong ng isang lalaki na ngayon ay nasa gilid ko na. Kahit hindi ko tingnan, kabisadong-kabisado ko kung sino ang nagmamay-ari ng boses na ’yon. “Yeah . . . kaparehas sa kanila.” “Ikaw kasi e . . . iniwan mo pa ako,” biro niya. Parehas naman kaming natawa sa sinabi niya. “Litong-lito na kasi ako n’on. Gulong-g**o . . . nawawala ako.” Ramdam kong napatingin siya sa akin. “Hindi ko na din alam ang gagawin ko that time.” “Atleast, nakamit mo na ang pangarap mo. Look at you now, future journalist ng bansa natin,” proud na sabi niya. Malungkot naman akong napangiti. It’s true. Malapit ko ng mahawakan ang pangarap ko. But for me, it doesn’t look like it. “I’m happy for you,” he said. I faced him and he looked at me while smiling. Parehas naman kaming napalingon sa isang magandang babaeng tumatakbo papunta sa direksyon namin. “Babe!” Sinalubong siya ng yakap at halik sa noo ni Jared. “Kanina ka pa ba naghihintay? Medyo natagalan ako do’n sa nag-i-interview sa akin.” “Hindi naman. Halos kakatapos ko lang din.” “So, ano? Tara na?” excited na tanong niya kay Jared na agad naman nitong tinanguan. “O paano Nics? Una na kami a? Ingat ka.” Kumaway naman ito sa akin at gano’n din ang ginawa ko. Tinanong pa nila ako kung okay lang akong mag-isa dito. I smiled at them, sign that I’m okay. “Ingat din kayo. I’m also happy for you. . . .” Para bang tinangay na lamang ng hangin ang huling salitang binitawan ko. “Oo, hihintayin kita. Pangako ’yan.” Pinanood ko ang unti-unti nilang paglakad papalayo sa akin. Masaya akong malaman na buo ka na uli. Nahanap mo na ang taong bubuo sa ’yo. At alam kong hindi ako ’yon. “Hello, Nics? Ayos ka lang ba talaga?” tanong ni Drake sa kabilang linya. “Oo naman . . . bakit naman hindi? I should be fine. Before I came up with this decision, alam ko na ang mga consequences na dapat kong harapin. Kahit sampalin pa ako nito,” pagsisinungaling ko. Pinilit kong tumawa upang maniwala siya na ayos lang ako. But the truth is, I am not fine and I will never be.