"Sige inom pa!" Kahit lasing na ay makikipag-cheers pa rin sana si Kevin kina Bubong at Teroy. Tinaas niya ang basong hawak. Tapos ay tumawa siya nang malutong saka sinagad na ang laman ng baso. Yelo na lang ang natira nang ilapag niya iyon sa lamesa.
Lasing na sila. Si Bubong nakatulog na sa may sahig. At si Teroy nakanguyngoy ang ulo sa lamesa.
"Pakasaya tayo kasi nagbalik na ang babaeng mahal ko. *Hik*" tutumba-tumba ang ulong sabi pa ni Kevin. Pipikit-pikit na ang mga mata niya.
Si itim na anghel na puting anghel na ngayon ang naiinis kay Kevin. Nakaupo siya sa sementong upuan ng balkonahe. Nakahalukipkip at ngingiwi-ngiwi ang mukha.
Tumayo si Kevin. "Iwan ko na kayo. Pupuntahan ko si Kiara ko. *Hik*" at sabi niya ngunit 'di pa man siya nakakahakbang ay napaupo na ulit. Natawa si
