"Natutuwa akong makitang nagkakasundo na kayo ng ate mo." sabi ni Tatay sa 'kin sa gitna ng pagkain naming pamilya.
Tumingin si Papa kay Ate, nginitian niya si Ate, alam kong natutuwa si Tatay kasi sa loob ng limang taon ay bumuti na rin ang pakikitungo sa akin ni Ate Dawn. "Mabuti naman natanggap mo na si Kathryn sa pamilyang ito, Dawn."
"Oo naman, Papa. Mabait si Kathryn. Bagay na bagay sa kaniya ang pangalan ng kapatid kong si Jasmine. Siguro kung buhay pa si Jasmine sigurado akong magkakasundo rin po sila, 'di ba?" binaling sa akin ni Ate Dawn ang tingin niya.
Tumango ako. "Oo naman po. Ikatutuwa ko kung nandito pa po ang tunay na Jasmine."
"Pero simula ngayon, huwag na lang nating banggitin ang tungkol sa tunay kong kapatid. Sigurado akong masaya na siya sa heaven lalo pa't nakik
