Chapter 89: Court Hearing
HALOS magkasabay lang si Gabriel at ang kanyang Lolo Austing na gumising. Dumiritso ang abuelo sa pagluluto habang siya naman ay sa banyo. Mas mainam iyon para hindi na niya kaagaw ang abuelo sa paggamit. Siya nalang ang maghuhugas sa kanilang pagkakainan mamaya.
Sobrang bilis lang si Gabriel sa loob. Nang matapos siya ay hindi muna siya nagbihis baka madumihan ang kanyang damit. Alas syete pa at ang sabi ng abuelo ay alas nuwebe pa sila aalis dalawa ng bahay.
Tanging boxer at itim na sando lang ang kanyang isinuot. Pagbaba niya at naluto na ang kanin ngunit ang ulam ay niluluto pa iyon. Minabuti niyang ihanda ang mga placemat, kubyertos, plato, pitsel, dalawang baso at siya na ang kumuha ng kanin at inilipat iyon sa mangkok.
"Okey na itong ulam apo," wika ng
