Chapter 70: Hustisya
Maagang nagising si Gabriel mula sa sofa na kanyang hinihigaan. Mabilis siyang bumangon at inunat ang katawan. Napatingin siya sa abuelo at kay Winston. Sobrang himbing pa ng tulog ng dalawa. Minabuti niya munang maligo dahil sobrang aga pa. Sobrang ginaw sa loob ng CR. Hindi na nagtagal si Gabriel. Pakiramdam niya ay magye-yelo na siya sa ginaw.
Nang lumabas siya sa room ay tulog pa rin ang dalawa. Nagmamadali siyang nagbihis ng kanyang uniform.
Kinuha niya ang wallet at lumabas na.
Nasa pasilyo na si Gabriel nang biglang nagpakita si Angelee sa kanya. Hindi na siya nagulat sa multong babae. Eh, hindi naman talaga ito nakakagulat.
"Saan ang punta mo Gab? Hindi ka pa naman papasok hindi ba?"
Umiling si Gabriel at ngumiti, "hindi pa. Sobrang Aga pa. Baka ako
