Chapter 82: Barang
NAGING masaya ang kaarawan ni Mrs. Gonzales. Halos lahat ay busog na busog. Hindi lang sa kainan pati na rin sa tawanan! Nang makaramdam ng pagod ay kaagad silang nagpahinga. Tila mabilis silang natunawan ng pagkain sa mga tawanan na kanilang ginawa.
"Hay, sumakit ang tiyan ko sa kakatawa," wika ng ginang at pawis na pawis ang mukha nito. "Grabe, unang beses kong tumawa sa mga palaro ninyo."
"Ma, iba kapag mga kabataan ang kasama mo. Alam na alam nila kung paano pasayahin ang mga matatanda," wika ng doktor na pawis na pawis rin.
"At dahil iyon kay Belle," wika ni Kristen. Kumakain pa ito ng lechon. Tila hindi pa nabusog ang babae. Well, masarap naman kasi ang lechon. Lalong-lalo na ang balat.
"Inihanda ko talaga ang mga lobo para magpatukan. Nakita ko iyon sa teleb
