Chapter 23: Professor Sotto
"Gab!" Bago paman kami matamaan ng natutumbang puno ng kahoy ay kaagad na kumilos si Tyler. Itinapon nito ang payong at hinawakan niya ang aking magkabilang balikat upang mapatalon kaming dalawa sa putikan.
Basang-basa na kami, hindi ko makita ang aking sarili dahil madilim ang paligid. Ngunit sigurado naman akong madumi na kami pareho ni Tyler. Naitapon ko ang kanyang cellphone. Mabuti nalang at hindi ito nasira dahil naka-on pa ang flashlight nito.
"Ayos lang ba kayo?" Mabilis na sumaklolo sa amin si Angel. Hinawi nito ang mga maliliit na sangang nakapatong sa amin.
"Muntik na tayo don." Wika ni Tyler at nauna itong tumayo. Sumunod na rin ako. Pinagpag ko ang aking damit at boxer. Basang-basa na ito at nahahawakan ko pa ang mga putik.
"Teka, ano ang gin
