Chapter 84: Pagkakaibigan
MAINGAT na binuksan ni Doktor Gonzales ang pintuan. Dahan-dahan iyon upang hindi sila mahalata na pumasok. Nang bumukas ang pinto ay mas lalong sumikip ang ulo ni Gabriel. Maging ang kanyang dibdib ay masikip rin at nahihirapan siyang huminga.
"Ayos ka lang ba Gab?" tanong ni Angel. Napatingin siya rito. Kagaya niya ay nanghihina ang dalaga. Pareho sila ng nararamdaman ngayon.
"Teka," mahinang wika ng doktor. Huminto ito saglit at may kinuha na kung ano sa bulsa. "Ito, amoyin ninyo ang dahon na ito. Nasabi kanina ng mangagamot na mabisa ito para hindi kayo matablan ng barang. Lihim ko itong kinuha kanina para sainyo."
Si Gabriel ang kumuha sa dahon. Lanta na ito. Parang noong isang araw lang iyon kinuha ng matandang mangagamot. Binigyan niya ng ilang piras
