NAKASAMA na nga ni Angelu si Kiana sa bahay at kahit naiilang siya dahil sa nadarama niyang konsensiya sa namamagitan sa kanila ni Timothy ay wala naman siyang magawa kundi pakisamahan ang dalaga, na mabait naman sa kaniya. Malambing si Kiana at maasikaso hindi lang kay Timothy kundi pati sa mga bata at kahit siya ay inaasikaso nito.
Sa tuwing may trabaho nga si Angelu at aalis ay nagugulat na lang siya na nauunang nagising si Kiana at nagluluto para makapag-agahan siya at may pinababaon pa sa kaniya kaya lalo siyang nakokonsensiya sa kabaitan ng dalaga. Naging abala na siya sa trabaho at sunod-sunod din ang project niya, nagiging kilala na rin siya sa mundo ng showbiz lalo pa at nagkaroon ng pagbabago sa script niya sa palabas ni Alastair, na noong una ay best friend lang siya, na hindi
