“SOMETHING’S wrong?”
Nagtatakang nilingon ni Garrett si Andrew, ang kanyang half brother. Nagkita sila nang hindi sinasadya sa loob ng bar. Malalim ang kanyang iniisip kaya hindi niya gaanong naintindihan ang tinatanong nito. Hindi niya sigurado kung may sinabi ang kapatid na hindi niya narinig.
Napailing-iling si Andrew. “You just ignored a girl.” Itinango nito ang ulo sa isang direksiyon. Sinundan iyon ni Garrett at nakita ang likod ng matangkad na babae na may magandang hubog ng katawan.
Bahagyang nangunot ang noo niya. Inabot niya ang bote ng beer na kalalapag lang ng bartender sa kanyang harap. “And you think something’s wrong because of that?”
“Hindi mo karaniwang ginagawa ang bagay na ito. Lahat na lang ay pinapatulan mo.”
Kunwari ay naeskandalo si Garrett sa tinuran ng kapatid
