DUMATING na nga sila sa beach, inilibot ni Kendra ang tingin sa paligid. Pansin niya ay walang ibang taong naroon kung 'di sila lang ng mga kasama niyang dumating.
"Tayo lang narito Sel, walang iba. Kaya hindi tayo maiisturbo kung sakali dahil atin ang buong lugar na ito!"masayang sabi ni Gio na hindi naman mapigilan na akbayan si Kendra. Ipinagkibit-balikat niya ang pag-iisip sa pakiramdam na tila nababasa nito ang isipan niya.
"M-mabuti kung ganoon,"usal ni Kendra. Kahit anong pilit niyang pigilan ang sarili para hindi tapunan ng sulyap si Mavy ay hindi niya magawa dahil parang may hindi nakikitang sinulid na pilit siyang hinihila patitig dito.
At heto siya malaya na naman pinagmamasdan ang lalaking mahal niya. Kahit sobra-sobra siyang nasasaktan dahil sa nakikitang pagdikit-dikit
