ANG SAYANG nararamdaman ni Wayne ay walang katumbas. Mahal siya ng babaeng pinangarap. Akala niya pa naman din ay magmamakaawa siya kay Joebbie. Ipaglalaban niya naman ito kay Charlie. Hindi niya rin ito basta-bastang susukuan pero kung makiusap si Joebbie sa kanya na babalikan nito si Charlie at sino siya para pigilan ito? Mahal niya si Joebbie at ayaw niyang maging selfish ang pagmamahal na iyon.
“Hindi ka na magseselos?” tanong ni Joebbie sa kanya kaya napangiti siya.
“Hindi mo naman maaalis sa akin yun. Syempre nangunguna sa akin ang selos dahil asawa mo pa rin siya at unang lalaki na minahal mo.”
“Kahit siya pa ang una, sigurado akong ikaw naman ang magiging huli,” nakangiti pang wika sa kanya ni Joebbie.
“Alam mong hindi madali ang annulment. It takes years.”
“Alam ko, gusto ko
