HINDI MALAMAN ni Mandy kung paano siya gagalaw ng normal sa harapan ni James. Nanginginig pa rin kasi ang kanyang katawan. Isa pa sa nagpapraning sa kanya ay bawat pagtingin ni James sa cellphone nito. Natatakot siyang matuklasan nito ang kanyang s*x videon na kumakalat ngayon.
“Problem?” tanong sa kanya ni James, “You look tense.”
“Ha?” sagot niya. “Ahhmmm I’m just thinking. Bakit kaya hindi na lang tayo ngayon magpakasal?” tanong niya kay James.
“Bakit? May problema ba?” tanong pa nito sa kanya.
“Kasi naisip ko na wala namang pagkakaiba ang ngayon at bukas hindi ba?” sagot niya pa.
“Bukas pa kasi available ang judge na magkakasal sa atin. Isa pa bukas din darating ang mga kaibigan ko na magiging witness sa kasal natin. Gustuhin ko man na pakasalan kita ngayon ay hindi naman pwede.”
