ABOT LANGIT ang ngisi ni Mandy dahil sa dalawang milyon na hawak niya ngayon. Hindi mawala-wala ang ngiti niya sa labi. At kahit pa bugbog sarado siya ay may dalawang milyon naman siya. Akala yata ni Charlie ay naiisahan siya nito, tuso yata siya. Walang sinuman ang pwedeng makaisa sa kanya at kahit pa sabihin na may pinagsamahan sila ni Charlie at minsan ay minahal niya ay hindi ibig sabihin na tatango na lamang siya sa lahat ng gusto nito. Hindi siya magpapaisa rito. Kapalit ng pananakit nito sa kanya ay ibabaon niya naman ito. Alam niya naman na wala na itong pera pero alam niyang gagawa ito ng paraan upang mabigyan siya ng dalawang milyon. Mas mahal kaya nito ang kalayaan nito kaysa makulong ng mahabang panahon. Wala naman talaga siyang plano na ituloy ang demanda dahil gusto niya lama
