NAPATINGIN si Joebbie sa dala ni June. Inabot nito sa kanya ang bag na may lamang pera at bag na ang laman ay personal belongings ni Mandy. Tiningnan niyang mabuti ang pera at muling ibinalik kay June. Pinuntahan niya ito sa resthouse nito at kasama niya si Wayne.
“Sayo na ‘yan----para sa pamilya mo,” wika niya kay June sabay abot ng dalawang milyon.
“Po?” gulat na gulat nitong tanong sa kanya. Hindi ito makapaniwala.
“Nang makilala kita nakita ko ang sarili ko sayo lalo na sa asawa mo. Alam kong naging biktima ka lang at ginamit ang katayuan mo sa buhay para gumawa ng krimen. Kahit pa may ginawa kang kasalanan sa akin, utang ko pa rin ang buhay ko sayo,” sagot niya kay June.
“Pero ma’am hindi ko kailangan ang ganito kalaking pera,” umiiyak nitong wika sa kanya. Nasa tabi nito ang asaw
