NAKAKABALIW sa pakiramdam kapag tinitiis mo ang taong mahal mo. Hindi mapakali si Wayne lalo na at hindi sila okay ni Joebbie. Pakiramdam niya ay turtore iyon. Maging ang puso niya ay parang sasabog pero kailangan niyang tikisin si Joebbie. Gusto niyang malaman nito na nasasaktan siya pero sa pangalawang pagkakataon ay nakita niya itong kasama ulit si Charlie kaya naman labis ang sakit na kanyang nadarama. Pakiramdam niya ay pinagtataksilan siya ng babae. Normal lang naman siguro ang masaktan siya dahil tunay ang kanyang nararamdaman. Nagmamahal siya.
"Tito," tawag sa kanya ni Isabel. Nakaupo lang kasi siya sa isang tabi habang binabantayan ang mga ito. "Magkaaway ba kayo ni Mama?" tanong pa nitong tumabi sa kanyang inuupuan.
"Ha? Hindi," sagot niya upang hindi ito mag-alala.
"Alam k
