MAGPAKALUNOD, iyon lang ang tanging nagagawa ni Charlie dahil sa selos. Nagseselos siya dahil kinuha ni Wayne ang kanyang pamilya na dapat ay kanya. Oo, nagseselos siya kay Wayne. Hindi niya lubos akalain na mahal niya pa ang asawa.
Ilang beer na ang kanyang naubos at tila ayaw niya pang tumigil. Gusto niya na lamang maging manhid upang maikubli ang sakit na mararamdaman. Ang pamilyang kanyang pinakawalan ay hindi na kanya.
Mag-isa na lamang siya sa cottage dahil lasing na ang kanyang mga kasama at nasa kanya-kanya ng kwarto. Hindi niya na rin alam kung anong oras na dahil siya na lang yata ang nasa dalampasigan.
"Late na ah?" tinig iyon kung Joebbie kung kaya napalingon siya. "Naghiwalay lang tayo naging lasenggo ka na," wika pa nito sa kanya.
"Ikaw? Bakit nasa labas ka pa?"
Tanon
