DAHIL sa kasunduan nila ni Kiel ay nanatili pa rin siya sa bahay nila at masasabi niyang tumupad ito sa kasunduan dahil hindi na siya nito kinakausap. Daig niya pa ang multo na hindi nakikita ng lalaki at aaminin niya na pinaparusahan siya ng kasunduan na 'yon. Madalas itong umuwi ng gabi at lasing kapag dumarating sa bahay nila. Gusto niya itong sitahin minsan pero kinontrol niya ang sarili. Wala siyang karapatan. Kung may dapat man na sumita yun ay si Jen.
Napalabas siya ng silid nang marinig niyang may nagsisigawan sa ibaba. Nag-aaway si Kiel at Jen at tulad ng dati ay lasing na naman si Kiel. Nakita niyang namumula ang mukha nito sa kalasingan. Apat na buwan na ang tiyan ni Jen kaya halata na ang maumbok nitong tiyan.
“Kulang pa ang ginawa ko sa kanya, bagay sa kanya yun dahil maland
