PAGKAPANGANAK ni Angelica ay bumalik na sila ni Kiel ng Maynila----yun ay dahil gusto niyang makita ang kanyang kapatid. Ayon sa kanyang asawa ay natanggap na ni Jen ang lahat lalo na at kapiling na rin ito si Jackson at ang anak ng mga ito. Tama nga ang kanyang ginawa----- ang hayaan ang lahat kay Jackson. Malaki ang naging tulong sa kanya ng lalaki para mapatino ang kanyang kapatid. Panatag ang kanyang loob na kahit nasa malayo siya ay nasa mabuting kalagayan sa Jenyfer. Hindi nga siya makapaniwala ng sabihin ng kanyang asawa na ibang Jenyfer na raw ang nakaharap nito nang minsang dalawin nito ang kanyang kapatid. Ilang buwan niya ring tiniis si Jenyfer at siguro ito na ang tamang panahon para makausap niya ang kapatid at umaasa siya na mananatiling maayos ang kanilang relasyon bilang ma
