NAPAIYAK na lamang si Jen nang makaalis si Kiel. Alam niya na ang iyak niyang iyon ay dahil sa tuwa. Sa wakas ay natupad na rin ang kanyang kapatid ang pinakamimithi nito-----ang maikasal sa lalaking labis na nagmamahal dito. Kahit papaano ay nabawasan ang bigat ng kanyang nararamdaman dahil sa nalaman. Wala rin siyang sakit na naramdaman ng sabihin ni Kiel na kasal na ito. Naghilom na nga ang kabaliwan niya para sa lalaki at masaya siya dahil natuto siyang magparaya. Pinahid niya ang kanyang mga luha ng lumapit sa kanya si Jackson nakangiti ito sa kanya.
"Hindi mo naman kailangan umalis kanina ng dumating si Kiel. Gusto ko rin na marinig mo kung ano ang pinag-uusapan namin. Ayoko kasing mag-isip ka ng masama lalo na at alam mo naman kung gaano kabaliw kay Kiel noon," wika niya kay Jacks
