Dalawang linggo matapos ang huling pagkikita namin ni Treece, nagulantang ang mundo ko nang sa isang idlap lang nalinis ang pangalan ko. Parang kaboteng sumulpot ang lalaking nahuli sa CCTV na siyang dumukot sa'kin noong gabing dadalo sana ako sa party ni Blue at inako ang krimen. Ang dahilan niya? Matagal na raw siyang may gusto kay Lexy, noon pang ume-extra sa pelikula ang kakambal ko ngunit dahil palagi raw siya nitong itinataboy kaya naisipan niya na lang na gawan ito ng masama.
Ika niya eh, kung hindi raw siya ang makikinabang kay Lexy maigi pang wala na. Kaya naman pinatay daw niya si Ms. Suon at sinet-up ako para palabasing ako ang gumawa noon. Dagdag pa nito ay mas maididiin niya ang pangalan ko dahil sa mga ebidensyang nakalap niya sa pakikipagsabwatan ko kay Ms. Suon para nakawa
