Pagkatapos ng sarap literal nga namang susunod ang hirap.
Isang linggo matapos akong dalhin ni Treece sa pribadong yate nito para sa aming honeymoon ay heto't kasalukuyan naming binabaybay ang daan patungo sa kanilang mansyon. Ngayon na namin sasabihin sa pamilya nito ang totoo tungkol sa pagkatao ko at kanina pa ako hindi mapakali nang sabihin ni Treece ang tungkol dito. Nagpapawis ang parehong palad ko at nariyan pang nanlalambot ang tuhod ko.
Paano kung magalit ang mga ito?
Saksi ako at naranasan ko mismo kung paano nagalit ang mga ito dahil sa mga kalokohan ni Lexy dati. Hindi ko yata gugustuhin na muli silang magalit sa'kin. Ngayon pa kung kailan napalapit na ako sa kanila at itinuturing ko na silang pamilya.
Mula sa malalim na pag-iisip ay napaigtad ako nang may maramdaman akong
