"How do you do that?"
Kasalukuyan akong naghahanda ng agahan at dahil weekday ngayon, inakala kong wala na si Velvet sa mansyon kaya ganoon na lamang ang gulat ko sa biglaang pagsulpot nito. Muntik ko pang mabitawan ang pinggang hawak kung hindi lang ako naging maagap.
"Nakakagulat ka naman Velvet. Andito ka pa pala. Sumabay ka na sa'ming mag-agahan." Anyaya ko rito.
Isang linggo na ang lumipas simula ng magkasagutan ito at ang kapatid. Noong gabing iyon, masinsinan kong kinausap si Treece. Kinumbinse ko ito na hayaan na muna ang bunso nila. Mukha namang matalino si Velvet. Siguro naman ay hindi nito ipapahamak ang sarili. Hindi ko akalain na sa huli ay makikinig ito sa'kin.
Sa loob ng isang linggo marami akong napansing pagbabago sa bahay na ito. Una na roon ang hindi pagpuna ni Mommy
