Mabilis akong tumakbo papalapit sa kanya. Napangiti ako ng malapad nang tuluyan na akong makarating sa harapan niya. Ang saya ko. Ewan ko ba. Pakiramdam ko magdidate kami.
"Ang saya mo ata?" Tumaas ang kilay niya habang nagsisimula na kaming maglakad. Kalebel ko lang siya.
"Kasi pumayag ka." Napayuko ako. Paano ba pipigilan ang pamumula ng pisngi?
"Tigilan mo nga yang kakayuko. Mababangga ka niyan. Tss." Napaangat naman agad ako ng ulo ko. Nilingon ko siya at natawa. Napanguso siya na parang pinipigilan ang isang tawa at nag-iwas ng tingin sa akin. Nakasabit naman sa balikat niya yung uniporme niyang nilabhan ko.
Marami ulit kaming dinadaanan na pasikot sikot. Isang liblib na pag nakalabas ka nang tuluyan ay tatambad sayo ang likod ng eskwelahan at ang malaking puno na nag-uugnay s
