Maagang nakarating siya sa kompanya ni Wayne. Alas siyete pa lang ng umaga ay nandito na siya. Wala siyang maayos na tulog dahil sa kakaisip. Bumabagabag sa kanya ang nangyari kahapon. Hindi siya matatahimik kapag hindi siya malinawan. Kung bakit nagawa siya nitong saktan. Nalaman niyang pumunta ito sa apartment dahil may iniwan itong voicemail sa phone niya. Halatang nakainom ito dahil sa tono ng boses.
Napatingin siya sa orasan ng opisina. Nagtataka siya kung bakit ang tagal ng lalaking iyon. Alas nuwebe na, bakit hanggang ngayon ay wala pa rin ito? Baka nga natutulog pa iyon dahil sa hang-over. Napabaling ang atensyon niya sa pintuan nang marinig niyang bumukas iyon. Bumungad sa kanyang harapan, ang walang ayos na si Wayne. Magulo ang buhok at nakabukas ang pangalawang butones nito
