INOBSERBAHAN PA ni Jaime kung anong gagawin ng kapitan pero nanatiling kalmado ito at tila inutasan ang crew na kumausap sa kanya bago ito umalis.
Napansin na ni Jaime na tila alam na ng kapitan ng barko ang nangyayari sa ngayon tungkol sa mga pirata. Patungo sana ito sa radio room pero kakaagad siyang natigilan dahil hinarang na siya ng lalaking pirata bago pa makarating roon. Tinutukan na ito ng baril na nagpahinto sa kapitan at bahagyang nakapataas ang kamay. Pinababalik ito ng pirata kung saan siya nakapwesto kanina na malapit sa veranda ng deck.
Kakaagad na kumilos si Jaime papalapit sa mga ito.
"Deja caer tu arma." saad ni Jaime sa pirata ng makalapit siya. Nakatutok ang baril ng pirata sa likuran ng kapitan at tila pinapauna ito sa paglalakad. Tinutukan rin ni Jaime ang pirata m
