Sigurado si Helena na nagkamali lang si Harley sa sinabi niya. Hindi niya maisip na iniimbitahan siya nitong mag-lunch. Empleyado lang siya at walang dahilan para samahan siya ni Harley sa pagkain maliban na lang kung may importanteng sasabihin ito. Pakiramdam niya ay baka ito na ang pagkakataon para tanggalin siya sa trabaho.
"Umupo ka." Utos ni Harley sabay turo sa upuan ng six-seater niyang dining table.
Sumunod si Helena sa utos nito. Sa gilid, tanaw ang mga naglalakihang building sa labas. Lumunok siya nang umupo si Harley sa harap niya, inilalabas ang lunch mula sa cart. Hinubad na ni Harley ang kanyang long-sleeve kaya naka-puting v-neck t-shirt na lang ito ngayon. Pinanood ni Helena ang pag-aayos nito ng kutsara at tinidor sa ibabaw ng tissue.
"Uh," nagsimulang magsalita si Hele
