Excited na excited si Saraya. Kanina pa siya nakatapos na mag-impake ng mga gamit na dadalhin para sa isang linggong pananatili nila sa Maynila. Hindi naman siya kinakabahan para sa competition na magaganap. Kampante siya sa kapasidad niya at wala naman sa kanya kung manalo o matalo man. Ang mahalaga ay ibibigay niya ang makakaya niya para sa competition.
Muling bumiling si Saraya sa kama. Alam na alam niya ang isa pang dahilan kung bakit hindi siya makatulog. Ang totoo ay hindi lang talaga siya makatulog dahil nasasabik siya sa pagpunta sa Maynila kasama ang Ninong niya.
Napangiti ng maluwang si Saraya habang hawak-hawak at pinaglalaruan ang braso ng teddy bear niyang si Dwight.
“Paano ba ‘yan, Dwight? Isang linggo tayong hindi magkikita. Pero di bale na. Makakasama ko naman ang kamukh
