Hindi siya napilit na maligo nina Clint at ng dalawang bata na maligo. Nagtatampisaw lang siya ng mga paa sa tubig habang pinapanood niyang naliligo ang mga ito at tinuturuan ni Clint na lumangoy ang dalawang bata.
Nangingiti siyang pinagmamasdan ang mga ito. Pakiramdam niya ay gusto niyang maluha dahil sa nakikita niyang saya ng anak niya. Matagal na nitong gustong maranasan na magkaroon ng ama ngunit ang gagong tatay nito ay hindi man lang nagpakita kahit minsan. Maliban sa kakarampot na sustentong binibigay nito sa anak niya. Tumalikod siya dahil baka makita siya ng mga ito na lumuluha kaya agad niyang pinahid ang luha niya.
“Ayy!” Ganoon na lang ang gulat niya nang maramdaman niya ang pagdampi ng tubig sa katawan niya. Pagharap niya ay sinabuyan siya ng tubig ng dalawang bata, at na
