Ngunit biglang nagsalubong ang kilay ko habang nakatingin sa kotse ni Kricel dahil huminto nito. Nagtataka tuloy ako kung bakit tumigil. Hanggang sa bumaba ng sasakyan ang babae.
“May ibibigay ako sa ‘yo, Hell. Si boss Zach ay binigyan ko rin nito. Lalo't marami niyang kaaway pagdating sa negosyo. Alam kong kailangan mo ito. Ang bagay na ito ay magagamit mo sa mga taong hindi totoo sa ‘yo o nagpapanggap lamang. Dito mo malalaman kung mga peke sila o hindi. May basbas ito ng aking asawa. Kaya sa ‘yo ko ibibigay…” Pagkatapos ay agad na kinuha ang aking kamay para ilagay ang isang maliit na bato na kulay itim. May butas din ito sa gitna. At puwede gawin kwintas.
Napatingin tuloy ako sa hawak ko na batong itim na galing kay Kricel. Kakaibang bato ito. Kung titingnan ng husto ay makikita ang
