Agad akong nagpagulong-gulong sa lupa upang iwasan din ang mga balang pinatatama sa akin. Gigil na gigil ako sa mga kalaban ko. Medyo napangiwi pa nga ako nang tumama ang aking braso na may sugat sa isang bato. Ngunit hindi ko ito ininda, nagmamadali akong tumayo, sabay hampas ng aking baril na hawak sa leeg ng lalaking papalapit sa akin at balak sana akong saksakin.
Agad naman itong nawalan ng malay tao.
Agad ko ring kinuha ang armalite na nasa ibaba at sunod-sunod ko itong kinalabit upang pagbabarilin ang mga hayop na kalaban mo, isa-isa naman sila bumagsak sa lupa. Agad kong pinuntahan ang matanda na ngayon ay nagtatago sa likod ng puno at ramdam ko ang takot nito..
Mabilis kaming umalis dito sa bundok ng Faldok. Ngunit bigla na namang akong napangiwi dahil sa sakit ng aking braso.
