KAMUKAT-MUKAT ay pinakiramdaman ko si Jerson habang nakatanaw sa akin sa hindi kalayuan si Rafael. Walang anu-ano'y nagtama ang aming tingin ni Rafael at sinenyasan ko siya na umalis na. Subalit para siyang bato na hindi mapaalis hangga't hindi nilalapitan.
Kaya naman sandali kong binalikan si Jerson sa may salas kung saan ay abalang nag-aayos ng ilang mabibigat na gamit. "O, bhie.. tapos ka na bang magtupi?" aniya kahit tagaktak na siya ng pawis. Pero bago ako sumagot sa tanong niya ay bumalik na muna ako sa k'warto upang kumuha ng bimpo para sa kaniya.
"Magpunas ka na muna, masama ang matuyuan ng pawis," sabi ko habang inaabot ang bimpo.
"Salamat, bhie.." Habang nagpupunas siya ng pawis sa mukha at katawan ay humanap na ako ng tsempo para makapagpaalam sa kaniya.
"Ah.. bhie.. lalab
