ISANG BISITA ang hindi ko inaasahan kinabukasan bago ang pag-alis ni Jerson. Si Mikas. At nakatutuwang isipin na totohanin niya talaga ang pagbisita sa aming bagong bahay.
"Napabisita ako dahil sa drama mo sa akin sa chat. Teka, kumusta na nga pala ang pagsasama ninyong dalawa?" aniya habang hindi mapigilan ang pag-ikot ng tingin sa kabuuan ng bahay.
"Pasensya ka na, Mikas. Hindi ko lang kasi maiwasang isipin ang mga posibleng mangyari," wika ko na nagpabuntong hininga sa kaniya.
"Hay, hindi ba't sinabi ko naman sa'yo na tingnan mo lang ang magagandang bagay kaysa sa pangit-- tingnan mo lang ang good side kay Jerson."
"Gano'n naman ang ginagawa ko, e. Ang kaso-- isipin ko pa lang na aalis na naman siya ay napakasakit na para sa akin." Matapos kong sabihin iyon ay isang mahigpit na yaka
