ISANG LINGGO ang lumipas matapos maihatid si Israel sa kaniyang huling hantungan ay saka lamang ako nakapag-focus muli sa pag-aasikaso ng papasukan sa OJT. Madalas ay late na akong nakakapasok sa trabaho dahil sa biglaang job interview. Mabuti na lamang at mabait ang amo ko dahil good excuse naman daw 'yon para ma-late sa trabaho.
"Anong nangyari sa'yo, baks? Mukhang nagiging luggage na 'yang eye bag's mo, a?" pahapyaw na biro pa ni Mallow nang mapuna niya ako sa rest room ng salon. Hindi na lamang ako sumagot, at sa halip ay binalikan ko na ang aking customer upang banlawan ang buhok.
Ngingiti-ngiti naman habang nakatanaw sa akin sina Dela at Eli na natatanaw ko mula sa salamin. Narinig ko pa ang malakas na hagikhikan nila na alam kong ako ang pinag-u-usapan. Matapos kong mabanlawan at
