JULIAN POINT OF VIEW
Ayoko sanang aminin, pero ngayon lang ulit ako nakaramdam ng ganitong kaba. Mas sanay akong humarap sa malalaking kompetisyon, sa mahihigpit na laban, pero itong sitwasyong kinasasadlakan ko ngayon—ang pagsubok na kumbinsihin ang mama ni Monique—ay isang laban na hindi ko alam kung paano ko ipapanalo.
Pagkatapos ng huling pagbisita namin sa bahay nila, alam kong hindi ako naging magandang impresyon kay Mrs. Cecilia. Kahit hindi niya sabihin nang direkta, ramdam ko ang pag-aalinlangan niya. At bilang isang taong hindi sanay sa pagtanggap ng opinyon ng iba tungkol sa personal kong buhay, mahirap itong lunukin.
Pero para kay Monique, kailangan kong subukan.
Kaya heto ako ngayon, nasa harap ng bahay nila, may dalang kahon ng magandang wine—isang klaseng alam kong magu
