JULIAN POINT OF VIEW
Mabilis lumipas ang mga linggo. Hindi naging madali ang panunuyo ko sa pamilya ni Monique, lalo na sa kanyang ina, si Mrs. Cecilia. Kahit anong gawin ko, tila hindi pa rin niya ako matanggap bilang lalaking mahal ng anak niya. Pero sa kabila nito, hindi ako nagpatinag. Alam kong hindi sapat ang salita—kailangan kong patunayan sa kanila na seryoso ako kay Monique.
Ang tanging bagay na nagpapagaan ng loob ko ay si Mr. Richard, ang ama ni Monique. Hindi siya tulad ng asawa niya na mahigpit at may matinding pagtutol. Sa katunayan, sa mga nakalipas na linggo, napapansin kong tila lumalambot na ang loob niya sa akin.
Nandito ako ngayon sa bahay nila, sa kanilang malawak na garden, kung saan nakaupo kaming dalawa sa ilalim ng isang malaking puno. May hawak siyang tasa ng
