Nakangiting hinaplos ni Vera ang suot na bestida habang nakaharap sa whole body mirror na nasa harapan niya. Hindi maitago ng ngiting iyon ang saya na nararamdaman niya at tila nakapaskil na sa mga labi niya iyon nitong mga nakaraang buwan.
Sinipat niyang maigi ang kabuuan niya sa salamin at pagkatapos ma-satisfy sa kanyang itsura ay kinuha na niya ang sling bag at isinabit sa balikat habang hinihintay ang driver na susundo sa kanya.
Dalawang buwan na ang nakaraan mula nang ikasal sila ni Grant. It was a grand garden wedding na mismong sa Casa Paradisio ginanap ang seremonyas.
Halos malula siya sa sariling kasal sa sobrang glamoroso nito na dati ay napapanood lang niya sa mga mayayaman at tanyag na personalidad sa bansa at ni sa panaginip ay hindi sumagi sa isip niya na maaari rin niyan
