“Bakit hindi ka na lang dito mag-stay? Paano ‘tong bahay niyo kung babalik ka sa probinsya?”
Tumigil siya sa pagtitiklop ng mga damit ng Nanay niya nang marinig ang tanong ni Lexi habang nananatiling nakayuko.
Tatlong araw na ang lumipas matapos ilibing ang kanyang Ina at kasalukuyan niyang inaayos ang mga naiwang nitong kagamitan.
“Nando’n ang trabaho ko sa probinsya. Isa pa, alam mo naman ang dahilan kung bakit ako narito ngayon,” malungkot na saad niya. “Tungkol naman sa bahay, may nakausap na ‘kong buyer. Hinihintay ko na lang ang desisyon nilang mag-asawa kung itutuloy nilang bilhin itong bahay at lupa.
Tumayo si Lexi at nagpalakad-lakad habang tila nag-iisip. Maya-maya ay tumigil ito at humarap sa kanya. “Sure ka na ba na ibebenta mo ‘tong bahay mo? Why not, pag-isipan mo munang
