NANG magising si Alyssa ay agad niyang iginala ang tingin para hanapin si Franco. At nakita naman niya ito na nakatayo habang may kausap sa cellphone.
"Cancel all my appointments, Anton. And reschedule them for next week."
Kinagat naman ni Alyssa ang ibabang labi nang marinig niya ang sinabing iyon ni Franco mula sa secretary nito. Hindi nga din niya maiwasan ang makaramdam ng guilt sa narinig na pag-cancel ni Franco sa appointment nito. Dahil tuloy sa kanya ay kinakailangan pa nito na i-cancel ang appointment nito para bantayan at alagaan siya.
Hindi naman napigilan ni Alyssa ang paghugot ng malalim na buntong-hininga. At mukhang narinig iyon ni Franco dahil mayamaya ay sumulyap ito sa gawi niya. At nang makita siya nitong gising na ay agad itong nagpaalam sa kausap at saka ito humak
