“Finally, the billionaire has come out from his castle. Welcome to grandpa’s mansion, Stefano Franco Mondego Estillore.” Dinig na dinig ni Franco ang malakas na boses ni Errol Mondego. Agad itong tumayo at lumapit sa kanya. Pagkatapos ibalik si Daphne sa mall ay sa mansyon ng kanyang lolo Simoun Mondego siya tumuloy dahil sa ginaganap na pagdiriwang ng ika-70 na kaarawan nito.
“I hope I’m not late.” Ginantihan ni Franco ng yakap ang pinsang buo nang yumakap ito sa kanya. Panganay ito sa tatlong anak na lalaki ng kaniyang uncle Raul, panganay na kapatid ng kaniyang ina na si Ria.
Certified playboy si Raul Mondego. Tatlo ang naging anak nito sa iba’t ibang babae. Ang panganay na si Errol ay anak nito sa isang Pilipinang doktor. Ang pangalawa na si Luther na isang seminarista ay anak n
