Nagulat si Franco nang isang text mula kay Daphne ang natanggap niya. Sinasaad sa text na nais nitong makipagkita sa kanya sa Frontera. Sa hindi niya maipaliwanag na dahilan ay ganoon na lang ang tuwa niya. Mailap at disenteng babae si Daphne ngunit alam niyang dahil sa kanyang taglay na pang-akit ay palagi itong nahuhulog sa kanyang mga kamay.
Sanay na siya sa ganoong uri ng laro sa mga babae. Gamit ang taglay na karisma at kakisigan ay madali niyang nabibihag ang mga ito. Ngunit iba si Daphne. Ibang-iba. Hindi lang s*x ang habol niya rito. Ang totoo ay nakakaramdam siya ng kakatwang emosyon sa bawat sandaling inaangkin niya ito. At sa pagdaan ng mga araw ay palalim iyon nang palalim kung kaya ang pasabi na darating ang babae sa kanyang penthouse ay nagdulot ng matinding kagal
