Chapter 69
Marilyn’s Pov
TAPOS NA nag ihaw ang asawa ko kaya hinanda na nila ang mesa. Nilagay na nila ang pagkain kaya kaming dalawa ni ate Macy ay halatang gutom na gutom na.
Nakita ko ang asawa ko na napaka seryoso ng mukha kaya nagtataka ako. Hindi naman kasi siya ganun kanina. Ang lawak pa nga ng ngiti niya kanina. Siguro ay napagod lang sa pag iihaw ng isda kaya siya nakasimangot.
Sa sobrang pagtataka ko ay naglakad ako papunta sa asawa ko. Baka kailangan niya ng lambing ko para mawala ang pagod niya sa pag iihaw ng isda.
Nang makalapit ako sa kanya ay hindi niya ako pinansin. Mas lalo akong nagtaka dahil hindi naman siya ganito dati. Pinapansin naman niya ako pero bakit ngayon ay hindi.
“Love..” tawag ko sa atensyon niya saka lang siya tumingin sa ‘kin ng tawagin ko siya.
