“HINDI mo ba alam na buntis ka?” may pag-aalalang tanong sa kanya ni Yumi.
Dinalauhan agad siya nito nang malaman ang nangyari sa kanya. Maagap naman siyang inasikaso sa ospital na pag-aari rin pala ng pamilya nito. Iyak siya nang iyak kaya binigyan siya ng doktor ng pampakalma. Doktor din ang nagkumpirma sa kanya na buntis siya kaya siya dinugo.
“Hindi ko alam,” malungkot na sabi niya.
Ayon sa doktor ay kailangan pa siyang obserbahan. Kailangan ding maging malakas ang loob niya para huwag nang masyadong maapektuhan ang baby niya. Hindi lang alam ng mga ito na halos hindi siya huminto sa pagdalangin na huwag sanang mapahamak ang baby niya.
Kanina habang nagpa-panic siya sa emergency section ay halos inagaw na niya ang cellphone ni Ezra. Si Jake lang ang tanging laman ng isip niya. At
