"What do you mean pupunta kayong Palawan? Sonny, you better get back here or else!"
Tumaliling ang matining na boses ni Karen kaya't inatras ni Mayor Arteza ang tenga niya sa cellphone. Ganoon na lang ang alma ng kanyang asawa nang sabihin niyang after ng Cebu ay bibiyahe naman sila papunta ng Palawan, kung saan ayon sa alkalde, ay itutuloy nila ang quest para sa ikatlong artifact.
Kasalukuyang nasa plasa sila sa Magallanes Street kung nasaan ang Magellan's Cross, tulad ng ipinangako ni Mayor Arteza na magpupunta sila roon. At ngayon ay hinahangaan na ni Father Deng ang nasabing landmark, although may napansin lang siya.
"Et looks smaller than en de picture," sabi ng pari. Para sa pagbisitang ito, suot niya ang kanyang itim at ngayon ay panay ang papicture kay Hannah.
"O, pose pa, fath
