Medyo hirap ako sa pag-alalay kay Sir Coco pero sulit na rin dahil nagagawa kong pasimpleng pisilin ang matitigas niyang braso. May kasamang panggigigil pa upang makaganti sa pagsusungit niya sa'kin nitong nakaraan.
"You're pinching me," nagrereklamo niyang sabi nang medyo napadiin ang pagkakapisil ko sa matigas niyang braso.
"Hindi ah," mabilis kong tanggi. "Imagination mo lang iyan," dugtong ko pa at pasimpleng hinaplos ang parteng pinisil ko upang mawala ang bahagyang pamumula.
Pagkasakay namin sa elevator nitong bahay nila ni Sir Mhilo ay muntikan pa kaming nawalan ng balanse dahil parang batang pilit niyang inaabot ang elevator buttons.
"Ako na po..." awat ko sa kanya at baka kung ano pa ang mapindot niya at mapunta kami sa kung saan.
Hinayaan nga niya ako pero lalo namang bumig
