Chapter 70
Hailey Sophia Medrano
MARAHANG tapik sa balikat ang nagpagising sa akin. Napakunot ako ng noo habang dahan-dahang nagmulat ng mga mata, mabigat pa ang pakiramdam ng katawan ko dahil sa mahabang biyahe. Pagmulat ko, ang nakangiting mukha ni Mang Pilo ang bumungad sa akin mula sa bukas na pinto ng van.
“Ma’am… nandito na po tayo,” mahinahon niyang sabi.
Napakurap ako ng ilang beses, pilit binabalikan ang ulirat ko. Unti-unting pumasok sa isip ko ang lahat. Kagabi, ang pag-alis ko, ang biyahe, at kung saan ako papunta.
Dumaan muna kami sa mansyon ni Doñya Marcella sa Forbes Park bago ako inilipat sa sasakyan na ito. Hindi na siya sumama. May importante siyang aasikasuhin ngayon araw, isang recording company at TV network na bibilhin niya. Hindi siya pwedeng mawala roon. Kaya s
