Chapter 79
THIRD POV
MADILIM na ang langit at tuloy-tuloy ang buhos ng ulan habang pauwi sina Brayden, halos hindi na makita ang daan sa kapal ng tubig na humahampas sa windshield kaya panay ang galaw ng wiper. Nasa likod siya ng sasakyan, katabi ang mga pinamili niyang nakalagay sa kahon at eco bags, pero hindi niya iyon pinapansin.
Tahimik lang siyang nakasandal, nakatingin sa labas, sinusundan ng mga mata niya ang mga patak ng ulan na dumudulas pababa sa salamin. Pagod siya pero hindi iyon ang nangingibabaw sa kanya ngayon. Yung dalawang bata kanina ang paulit-ulit na pumapasok sa isip niya, lalo na yung mga mata nila. Hindi niya maipaliwanag pero parang may kumurot sa dibdib niya nung makita niya iyon.
Napabuntong-hininga siya saka bahagyang umusog pasandal. “Mang Ponso,” tawag n
